161:Duirdeingkerkes

Eidelachtboare; a ch ge wilt da'k récht ston, dan zal ek menaige der ba neirlége.

Ne wolef bestoa f ver draivéfde n oit wol.

A ch ge no den dérmatolaug go dan kén de den oitslag al vuir da t em oe w aungderzocht ei.

Vaul ongevale n in de zoagerai weere duir de veengers gezeeng.

'K ém en schoeën figeur gesloage n én ze sloog trug.

'K zau w en zélefulepgroep ver meingse mé fobeeje wile n oeprichte, mor 'k daeref ni.

Van meingse dee noeët wa geive, der kraig ek wa f van.

Vreuger was ek sjizofrein, én naa zén w'ale twieë aukei.

E keeke zei: 'k ém vannacht zoeën oeëge kerts gad da'k vanmorege n e gekokt ai j ém gelei.

A j eeng zenaige n oep noada s z'em ade loate stike.

Zélefs de maskes van plezeer kune nimer zaungder "Windows".

Beer zaungder alkaul is gelak nen tétenzjèèr zaungder téte; 't béste n is er oit.

In beer zite vaul vrauwelek'ormaune; as ne veingt tevaul zept dan begint em te zoage n én kan nimer mé t den otau raije.

Der zén twieë saurte n avekoate; d'ieën kéne de wét én d'aender kéne de réchters.

Zei t den doktaur teige da noneke; deis pilekes zule n oe rap wér oep de kneeje kraige.

Zenen boek is al duir aungderd meingse geleize; amel oitgeivers.

Uire veingt ei d uir loate zite; a j ei ne neeven bril gekocht.

'K gon schieëje van men vraa zei t em want z'ei d al e joar laengk nimer teige mai geklapt. Der mut de zot ver zén; woar veeng de nog zoeën vraa ?

Oep de begroafenis; 't was ni s zoe ne vreengdeleke meings; mor alei, zaend erauver !