183: Bevraideengsfieëste

In ’t begin van deis muingd weere de bevraideengsfieëste geveerd. ’t Was goo gorganizeird zoewél oep de Groeëte Mart as oep de Greungplets. Eerbai  e poar fotaukes dee’k soaves getroke ém. Ieën van e stuk van de Groeëte Mart én ieën van de fieëstteingt oep de Greungplets én derbai wa tristege fotaukes van de Vraijadsboeëm oep de Groeëte Mart. ‘K vaungd et réchtoit schandoaleg da s ze vergeite n ade da t dieën boeëm doar spés-joal geplant was gewere n oem de Bevraideeng t’érdeingke. Wa nog tristeger was: z’ade ni beiter gevaungde dan presees van deizen boeëm wa take n af te kape oem nen tribun te kune n oeptimere !

182:De Meungtof

'K ém in ’t bladsje van ’t stad geleize da t dee van ‘t Schoeën Verdeep
ruizeplane n ade oem De Meungtof graundeg te veraendere. ’t Zau bestoan oit oem
te begine n e groeët greung plain én doarraungd privee ofkes. Der zauwe n oek drai
neef gebauwe mute kaume : twieë j in de Meungtstrot én ieën in de
Kloeësterstrot. Da léste --ver zoe vaer da’k kan zeeng --éme z’al gebarlikt.
Mor ver de rést is ales stilgevale tot naa too. Ze zeije toongs da d ales
koekénai zau zén in 2012. Afwachte mor want verloeëpeg zeeng kik der niks nimer
gebuire. As ze da t er amel gon neirpoeëte dan zal er van de Meungtof al ni f
vaul nimer auverscheete. Deroem zén ekik
ver ale zeikerad mor al wa fotaukes gon tréke van ’t plantsje zoe w as
et er naa oitzee. Ik aup mor da s ze dee grafitikeungstenérs eer ni ch gon wégjoage. Eer doong ze der neemand kwoad mé, én aenders zule z’un taleingt nog mieër
auver ieël ’t stad gon étaleire. Zé na j is ieërlek der zite toch knape
kréjoases tuse.